Виржил ван Дейк фаолиятидаги энг қийин рақиблари ҳақида фикр билдирди.

- Энг қийин рақиб ким? Уларнинг бир нечтасини айтинг.

- Албатта, Лионель Месси жуда қийин рақиб. Эрлинг Холандни ҳам эслатиб ўтаман. Замонавий ҳужумчи. Агар сиз уларга бир қарич жой берсангиз, улар сизни жазолайди.

Тўғрисини айтсам, Серхио Агуэро "Ливерпуль" дарвозасига кўп гол урмади, лекин мен "Саутгемптон"да унга қарши ўйнадим ва у доим хавфли эди. У чап ва ўнг оёқлари билан ўйнай оларди.

Мен Оливье Жируни ҳам эслатиб ўтган бўлардим. У Азар билан "Челси"да ўйнаганида, фақат Эденга қараш керак эди ва Оливье тўпга эга эди. У ҳам менга қарши яхши голлар урди. Мен ҳар доим у гол урмайди деб ўйлардим, лекин у буни уддалади" - деди "Ливерпуль" ҳимоячиси.