"Манчестер Сити" ярим ҳимоячиси Фил Фоден "Реал" билан дуранг (3:3) билан якунланган учрашувдан сўнг ўз таассуротлари билан ўртоқлашди.
Пеп Гвардиола шогирдлари меҳмонда ғалаба қозонишга яқин турганди, аммо Федерико Вальверде 79-дақиқада ҳисобни тенглаштирди.
"Бу мухлислар учун энг яхши ўйин бўлса керак. Юқори даражадаги ҳужумкор ўйинчиларга эга иккита ажойиб жамоа, кўплаб голлар. Бу томошабинлар кўришни хоҳлайдиган нарса. Дастлабки голимиз режани ўзгартирмади, лекин баъзида жуда тез гол урасиз. "Реал" яхши жавоб қайтарди, икки бор гол урди, аммо биз кайфиятимизни кўтардик. Якунда ғалаба ҳисобини ушлаб тура олмаганимиздан бироз афсусдамиз. "Реал Мадрид" ажойиб зарба билан гол урди. Аммо бу ҳақда тўхталиб ўтирмайлик, ижобий лаҳзалар кўп бўлди", — деди Фоден BBC билан суҳбатда.
