"Манчестер Сити" ҳимоячиси Йошко Гвардиол "Реал"га (3:3) қарши ўйиндан сўнг журналистлар саволларига жавоб берди.
"Ақл бовар қилмайдиган ўйин. Мен бу стадионда биринчи марта ўйнаяпман, бу ердаги муҳит ажойиб. Биз натижадан мамнунмиз ва жавоб учрашувини интиқлик билан кутамиз. Биз қийин бўлишини билардик, лекин тўп билан ҳам, тўпсиз ҳам ўзимизни кўрсатдик.
Рикошетдан иккита гол? Бу футбол, бундай воқеалар содир бўлади. Шундан сўнг биз диққатимизни жамлашимиз ва тикланишимиз керак эди, буни амалга оширдик ва якунда яхши натижага эришдик. "Манчестер Сити" учун биринчи голни уриш жуда ёқимли ва уни шундай ажойиб рақибга қарши уриш жуда ёқимли", - деди хорватиялик футболчи TNT Sports телеканалига берган интервьюсида.
