Ярим ҳимоячи Родри "Манчестер Сити" ўйинлардаги шахсий мағлубиятсиз сериясини узайтирди. Пеп Гвардиола шогирдлари Испания пойтахтида бўлиб ўтган Чемпионлар лигаси 1/4 финалининг биринчи ўйинида "Реал" билан дуранг ўйнади (3:3). Родри майдонга тушди ва ўйин охиригача ўйнади.
Squawka портали хабарига кўра, испаниялик ярим ҳимоячи 429 кун давомида ҳеч бир турнирда "Манчестер Сити" таркибида мағлуб бўлмаган. Бугун сериялар сони 66тага етди.
Эслатиб ўтамиз, Родри билан "Манчестер Сити" таркибида сўнгги марта "Тоттенхэм"га қарши ўйинда ўтган йилнинг февраль ойида (0:1) мағлуб бўлганди.
"Шаҳарликлар"нинг "Реал"га қарши жавоб учрашуви 17 апрель куни Англияда бўлиб ўтади.
