"Унион Берлин" марказий ҳимоячиси Данило Духи фаолиятини Англия Премьер-лигасида давом эттириши мумкин. 25 ёшли футболчининг хизматларига "Кристал Пэлас" ва "Фулхэм" клублари қизиқиш билдирмоқда.
Хабарларга кўра, ҳар икки клуб ҳам нидерландиялик футболчини яқинлашиб келаётган трансфер ойнасида сотиб олиш ҳақида ўйламоқда. Жорий мавсумда Духи барча турнирларда 22 та учрашувда майдонга тушиб, 2 та гол урди.
Ҳимоячининг Унион" билан тузилган меҳнат шартномаси 2025 йилнинг июн ойи охиригача амал қилади.