“Наполи” ҳужумчиси Виктор Осимхен Франциянинг “ПСЖ” клубига ўтишга жуда яқин турибди. Il Mattino нашри парижликлар нигериялик билан тўрт йиллик шартнома шартлари бўйича келишиб олганини таъкидламоқда. Луис Энрике жамоаси форвард учун 120 миллион евро товон пули тўлашга рози бўлди.
Шунингдек, Осимхен Парижда йилига 13 миллион евро ишлаб олиши маълум бўлди – бу Викторнинг “Наполи”даги амалдаги шартномаси бўйича оладигани билан деярли бир хил.
Осимҳен "ПСЖ"да жамоани эркин агент сифатида тарк этадиган ҳужумчи Килиан Мбаппени алмаштириши керак. 25 ёшли Виктор жорий мавсум А Серияда 12 та гол урди ва 3 та голли узатмани амалга оширди.