"Ливерпуль" бош мураббийи Юрген Клопп Европа лигасидаги ўйинларни инобатга олган ҳолда жамоасининг ўйинлар тақвими ҳақида гапирди.
Бугун, 11 апрель куни мерсисайдликлар Европанинг иккинчи муҳим турнири 1/4 финалининг илк учрашувини Италиянинг “Аталанта” клуби билан ўтказади.
"Ўтган йили биз Европа мусобақаларидан жуда тез чиқиб кетдик, лекин одатда биз турнир жадвалида узоққа борамиз. Демак, биз учун бу мутлақо нормал ҳолат. Ҳа, машғулотларда машқ қилиш деярли мумкин эмас, биз рақибларимизни таҳлил қилишга кўп вақт сарфлаймиз. Якшанба, кейин пайшанба куни ўйнаш яхши. Пайшанба, кейин эса якшанба бўлса, бу қийинроқ. Лекин ҳаммаси яхши, биз бунга кўникиб қолганмиз", - дейди Клопп.
