“Рома” жамоаси устози Даниэле де Росси Европа лигаси чорак финалининг биринчи ўйини олдидан “Милан”нинг асосий кучли томонлари ҳақида гапирди.

Пайшанба куни “россонерилар” ўз уйида “бўрилар”ни қабул қилади, бир ҳафтадан сўнг эса Римда жавоб учрашуви бўлиб ўтади.

"Биз "Милан" қанчалик кучли эканини, айниқса, тўпга эгалик қилиш борасида жуда яхши ўйнашини биламиз.

Бу жамоа футболчилари нафақат бизга, балки ҳар кимга зарар этказишга қодир. "Милан"нинг энг катта хавфи - бу сифатли ҳужумлари.

Мен кўп йиллардан бери таниш бўлган Стефано Пиоли ҳар доим яхшиланишда давом этаётганига қойил қоламан.

Унинг "Милан"и бир неча ҳафтадан сўнг яна яхши формага қайтди", - деди де Росси матбуот анжуманида.