Мадриднинг "Реал" клуби ҳимоячиси Антонио Рюдигер Чемпионлар лигаси нимчорак финалининг биринчи ўйинида "Манчестер Сити" ярим ҳимоячиси Жек Грилишни ушлаб қолишга ноодатий уриниш қилди.
9 апрель куни Мадридда бўлиб ўтган ўйин 3:3 ҳисобида дуранг билан якунланган эди.
SPORTbible нашри хабарига кўра, ўйин давомида германиялик футболчи англиялик ярим ҳимоячининг кўкрагидан чимчилаб олган ва Грилиш чинқириб юборган.
Рюдигер бундай ишни биринчи марта қилмаяпти: январь ойида "Атлетико" билан Испания Суперкубоги ярим финал учрашувида Антонио ҳужумчи Альваро Моратанинг кўкрагидан чимчилаб олганди.
