Ҳимоячи Кайл Уокер май ойи охирида 34 ёшга тўлади. "Манчестер Сити" аллақачон ҳимоянинг ўнг қанотида Уокернинг ўрнига узоқ муддатга футболчи топиш ҳақида ўйламоқда.
TEAMtalk нашри хабарига кўра, "Манчестер Сити" Уокернинг ўрнига "Байер"дан Жереми Фримпонгни аниқлади. Қизиғи шундаки, нидерландиялик футболчи "шаҳарликлар" академиясининг битирувчиси.
Нуфузли Transfermarkt портали мутахассислари Жереми Фримпонгни 50 миллион еврога баҳоламоқда. 2023/2024 йилги мавсумда 23 ёшли футболчи 36 та расмий ўйинда майдонга тушиб, ўз ҳисобига 12 та гол урди ва 11 та голга ассистентлик қилди.
