Римнинг “Рома” клуби ҳимоячиси Жанлука Манчини Европа лигаси 1/4 финали биринчи ўйинида “Милан” устидан қозонилган ғалабадан сўнг ўз фикрларини билдириб ўтди.
Учрашув “бўрилар”нинг 1:0 ҳисобидаги минимал ғалабаси билан якунланди. Жавоб ўйини 18 апрель куни Римда бўлиб ўтади.
"Бугун биз ғалаба қозондик, аммо олдинда яна бир ўйин бор, ҳеч нарса ҳал бўлгани йўқ. Биз ҳимояда яхши ўйнадик ва барчанинг эътибори жамлаган эди. "Рома" тўпни назорат қилди ва "Милан" бундан мамнун эмас эди, чунки улар тўпга эга бўлишга ўрганиб қолган", - дейди Манчини BeinSports нашрига.
