11 апрель, пайшанба куни Англиянинг “Ливерпуль” ҳамда Италиянинг “Аталанта” клублари ўртасида Европа лигаси 1/4 финалининг илк учрашуви бўлиб ўтди. Ўйин Ливерпуль (Англия) шаҳридаги “Энфилд” стадионида бўлиб ўтди ва 3:0 ҳисобида меҳмонларнинг йирик ғалабаси билан якунланди.
Охирги марта “Ливерпуль” 2021 йилнинг февралида ўз майдонида учта гол фарқи билан мағлуб бўлганди. Бу Англия чемпионатининг 2020/2021 йилги мавсумининг 23-туридан ўрин олган "Манчестер Сити"га қарши ўйинда юз берди - 1:4. Мерсисайдликлар 1930 йилги Англия чемпионатида "Сандерленд"дан 0:6 ҳисобида ўз уйларида тарихдаги энг йирик мағлубиятни қабул қилишган.
Эслатиб ўтамиз, “Ливерпуль”нинг 2020/2021 йилги Чемпионлар лигаси гуруҳ босқичи доирасида бўлиб ўтган “Аталанта” билан олдинги уй ўйинида ҳам мерсисайдликлар бергамоликлар дарвозасига гол ура олмаган ва 0:2 ҳисобида мағлуб бўлганди.
