Маурицио Сарри кейинги 2024/2025 йилги мавсумда "Милан"ни бошқариши даргумон, дея хабар беради Sempremilan.
Манбага кўра, "россонерилар"нинг амалдаги бош мураббийи Стефано Пиоли яқинда раҳбарият ва хўжайинларнинг ишончини қозонган, агар муаммо юзага келмаса, келаси йили ҳам клубда қолади. 31-турдан кейин “Милан” 68 очко билан А Серияда иккинчи ўринда бормоқда.
Шунингдек, агар “Милан” Европа Лигаси чорак финалида “Рома”ни мағлуб эта олмаса, Пиолининг клубдаги позицияси ўзгариши мумкинлиги айтилмоқда.
“Қизил-қоралар” илк учрашувда 0:1 ҳисобида имкониятни бой беришди.
