Англия Премьер-лигасида март ойининг энг яхши мураббийи номига овоз беришда ким ғалаба қозонгани маълум бўлди.
Бу соврин "Борнмут" бош мураббийи Андони Ираолага насиб этди. Март ойида унинг қўл остида жамоа “Бёрнли” (2:0) ва “Эвертон” (2:1) устидан ғалаба қозонган, “Шеффилд Юнайтед” билан дуранг ўйнаган (2:2).
Айтиш жоизки, 41 ёшли Ираола овоз беришда Микель Артета, Юрген Клопп ва Анге Постекоглуни ортда қолдирди. Ираоланинг ўзи учун бу соврин Англия чемпионатидаги биринчиси бўлди.
"Борнмут" ҳозирда АПЛ турнир жадвалида 31 ўйиндан кейин 41 очко билан 12-ўринда бормоқда.
