“Рома”дан учралган мағлубият бош мураббий Стефано Пиолининг “Милан”даги мавқеига салбий таъсир кўрсатди.

Пайшанба куни “россонерилар” Европа лигаси чорак финалининг биринчи ўйинида ўз майдонида римликларга имкониятни бой беришди (0:1). Инсайдер Николо Скиранинг сўзларига кўра, клуб раҳбарияти, айниқса Златан Ибраҳимович ўйин натижасидан ниҳоятда ҳафсаласи пир бўлган. Пиолининг Миландаги келажаги яна сўроқ остида қолмоқда - жорий мавсум якунланганидан кейин мураббийнинг кетиши ҳақиқатда.

Ўтган ой охирида "Милан" президенти Паоло Скарони Стефано Пиоли ўз лавозимини сақлаб қолишини айтди. Мутахассиснинг шартномаси 2025 йилнинг ўрталарига қадар мўлжалланган.