Бугун, 13 апрель куни "Манчестер Сити" Англия Премьер-лигасининг 33-тури доирасида "Лутон Таун"ни қабул қилди. Жамоалар ўртасидаги учрашув 5:1 ҳисобида Пеп Гвардиола шогирдларининг йирик ғалабаси билан якунланди.
Айтиш жоизки, голлардан бирини қаторасига иккинчи ўйинда гол урган “шаҳарликлар” ҳимоячиси Йошко Гвардиол киритди.
Эслатиб ўтамиз, хорватиялик футболчи Чемпионлар лигасининг 1/4 финалида "Реал" билан сўнгги ўйинда ҳам гол урган эди. 22 ёшли футболчи бунгача "Манчестер Сити" сафида гол урмаган эди.
"Шаҳарликлар" ҳозирда 32 ўйиндан сўнг 73 очко билан АПЛ турнир жадвалида биринчи ўринда бормоқда.
