"Астон Вилла" дарвозабони Эмилиано Мартинес якшанба куни "Арсенал"га қарши ўйиндан сўнг (2:0) фикр билдирди.
"Мен ҳар бир ғалабадан завқланаман, мухлислар бизни уйда ҳам, меҳмонда ҳам қўллаб-қувватлашади. Меҳмондаги ғалаба Чемпионлар лигасига йўлланма олиш имкониятини кучайтиришини билардик. Бу биринчи қадам, олдинда ҳали бешта финал бор.
Ҳозир бу натижадан роҳатланяпмиз, кейин эса Конференциялар лигаси ўйинига борамиз ва у ерда ярим финалга чиқишга ҳаракат қиламиз. Менинг ўйиним? Жамоани ўйинда сақлаб қолишга ҳаракат қилдим. Мен доимо диққатимни жамлашга ва сейвлар қилишга ҳаракат қиламан" - деди Мартинес Sky Sports нашрига берган интервьюсида.
Англия Премьер-лигасининг навбатдаги турида "Астон Вилла" ўз майдонида "Борнмут"га қарши баҳс олиб боради.
