"Бавария" ҳужумчиси Томас Мюллер "Байер"ни Бундеслигадаги илк чемпионлиги билан табриклади.
“Байер Леверкузен” бу йил чинакам шов-шувли ўйин кўрсатиб, совринни қўлга киритди. Мен ушбу ютуқ учун уларнинг олдида шляпамни ечаман ва бутун жамоани ҳамда клубни чемпионлик билан табриклайман", - деди Мюллер Bayern & Germany билан суҳбатда.
Эслатиб ўтамиз, 14 апрель куни Германия Бундеслигасининг 29-тур учрашуви бўлиб ўтди ва унда "Байер" ва "Вердер" клублари тўқнаш келишди. Жамоалар Леверкузен шаҳридаги (Германия) “БайАрена”да ўйнашди. “Байер” 5:0 ҳисобида йирик ғалабага эришди.
"Байер" Германия Бундеслигасида 29 ўйинда 79 очко тўплаган. Шу тариқа, турнир якунланишига беш тур қолганида, Хаби Алонсонинг шогирдлари чемпионат турнир жадвалида биринчи ўринни эгаллашини кафолатлади.
