Стив Макманаман "Манчестер Сити" - "Реал Мадрид" жуфтлиги фаворити номини айтди.
Чемпионлар лигасининг чорак финалида бу жамоалар ўртасидаги илк ўйин 3:3 ҳисобида дуранг билан якунланган эди. Жавоб ўйини эртага, 17 апрель куни бўлиб ўтади.
“Мен аллақачон айтган эдим, “Реал” олдинга силжиши учун “Этиҳад”да бир нечта гол уриши керак. Ҳисоб 3:3 бўлса, "Сити" яққол фаворит бўлиши керак.
Улар амалдаги ғолиблар, яхши формадаги жамоа ва яна Премьер-лиганинг юқори поғонасида. Агар улар "Этиҳад"да ғалаба қозонишса, кейинги босқичга йўл олишади. Улар икки йил олдин “Реал” дарвозасига тўртта гол урган бўлса, ўтган йили ҳам “Реал” дарвозасига тўртта гол уришди. Ўйлайманки, жамоалар ва ўтмишдаги воқеаларга назар ташласангиз, яна "Реал Мадрид"га қийин бўлади", - деди “Реал” ва “Манчестер Сити”нинг собиқ ярим ҳимоячиси.