Чоршанба куни "Арсенал" Чемпионлар лигаси чорак финалида "Бавария"га қарши сафарда ўйнайди. Ўйин олдидан бўлиб ўтган матбуот анжуманида лондонликлар устози Микель Артета Букайр Сака ва Мартин Эдегорнинг ҳолати ҳақидаги саволга жавоб берди.
"Очиғи, кейинги ўйин олдидан тикланишимиз учун 48 соатдан кам вақтимиз бор эди ва биз жуда кам машқ қилдик. Шунинг учун эртага Сака ва Эдегорнинг ҳолатига баҳо берамиз. Кўрамиз, улар ўзларини қандай ҳис қилишларини" - деди Артета матбуот анжуманида.
"Бавария" - "Арсенал" учрашуви 17 апрель куни бўлиб ўтади. Бу жамоалар ўртасидаги ўтган ҳафтада Лондонда ўтказилган биринчи ўйин дуранг билан якунланганди - 2:2.
