"Барселона" Чемпионлар лигасининг чорак финалида "ПСЖ"га йирик ҳисобда мағлуб бўлди

Жавоб ўйини 1:4 ҳисобида якунланди. Икки ўйин натижасига кўра парижликлар турнирнинг ярим финалига йўл олишди.

Охирги 8 йил ичида каталонияликлар Чемпионлар лигаси плей-офф босқичида 7-марта йирик ҳисобда мағлубиятга учради.

2021 йилда “Барселона” 1/8 финалнинг илк ўйинида “ПСЖ”га 1:4 ҳисобида имкониятни бой берганди. Ундан бир йил аввал каталонияликлар чорак финалда “Бавария”га 2:8 ҳисобида имкониятни бой берганди. 2019 йилда “Барса”ни “Энфилд”да ярим финал жавоб ўйинида “Ливерпуль” мағлуб этган (0:4), 2018 йилда “блауграна” 1/4 финалнинг жавоб ўйинида “Рома”га (0:3) мағлуб бўлганди.

2017 йилда "Барса" Чемпионлар лигасида икки марта йирик ҳисобда мағлуб бўлди: 1/8 финалнинг биринчи ўйинида "ПСЖ" билан 0:4 ва чорак финал биринчи учрашувида "Ювентус" билан 0:3.