"Барселона"нинг уругвайлик ҳимоячиси Рональд Араухо Франциянинг "ПСЖ" жамоасига қарши Чемпионлар лигаси 1/4 финал жавоб ўйинида қизил карточка олганидан кейин қилган ишораси учун жазоланиши мумкин.
AS хабарига кўра, футболчи бармоқларини бирин-кетин мушт қилиб букиб, бу учрашувда ҳакамнинг нохолислик қилганини яққол кўрсатди.
Бунинг учун УEФА футболчига нисбатан қўшимча санкциялар қўллаши мумкин. Эслатиб ўтамиз, “Барселона” – “ПСЖ” учрашуви сафарда францияликларнинг 4:1 ҳисобидаги ғалабаси билан якунланган эди.
Шу тариқа, Луис Энрике шогирдлари икки ўйиндан иборат бўлган баҳсда умумий 6:4 ҳисобида зафар қучди.
Ярим финалда парижликлар Дортмунднинг “Боруссия” жамоаси билан тўқнаш келишади.
