"Унион Берлин" ҳимоячиси Диого Лейте бошқа Европа клубида ўйнаши мумкин.
Бу ҳақда ижтимоий тармоқларда инсайдер Руди Галетти хабар берди.
Журналистнинг ёзишича, португалиялик футболчининг трансферига икки клуб қизиқиш билдирмоқда.
Гап "Реал Мадрид" ва "Байер Леверкузен" ҳақида кетмоқда. Лейте ўз навбатида мавсум якунида жамоани алмаштиришга тайёр.
"Унион" футболчи учун яхши пул таклиф тушса, унинг кетишига қарши эмас.