"Манчестер Сити" "Реал" дарвозасига жуда кўп зарба йўллади, аммо ярим финалга чиқа олмади. 1/4 финал жавоб ўйинининг асосий ва қўшимча таймлари натижаларига кўра, “шаҳарликлар" “қаймоқранглилар” дарвозасига 33 марта зарба беришди, аммо таблодаги ҳисоб 1:1 бўлди.
Мадридликлар пеналтилар сериясида аниқроқ ҳаракат қилишди ва Премьер-лига гигантини турнирдан чиқариб юборишди.
Пеп Гвардиола жамоаси Чемпионлар лигаси плей-офф ўйинида энг кўп зарба йўллаш бўйича рекорд ўрнатди, 2020 йилда “Ливерпуль” “Атлетико” дарвозасига 34 марта зарба берган эди. Айтганча, ўша қарама-қаршиликда ҳам мадридликлар ғалаба қозонган.
