Ўзбекистон олимпия терма жамоаси чап қанот ҳимоячиси Иброҳимҳалил Йўлдошев терма жамоа йиғинига қўшилганидан сўнг ўз фикрларини билдириб ўтди.
"Осиё Кубогида доим юқори савиядаги жамоалар қатнашади. Ўзбекистон ҳам доим ўзини кўрсатиб келган. Ҳар доим биринчи ўйин қийин бўлган. Малайзия яхши жамоа экан. Тўпни яхши ўзида ушлаб туришини кўрсата олишди. Бу йиғинга қўшилиш жуда қийин бўлди. Жамоам мени қўйиб юбориш нияти йўқ эди. ЎФАнинг биринчи сўрови рад этилганди. Кейинроқ улар 20 апрелдан кейин мени қўйиб юборишга рози бўлганди, бироқ ЎФА яна музокара олиб бориб, 14 дан кейин сафга қўшилишимни таъминлади. У ерда асосий таркиб футболчиси бўлганим учун мени қўйиб юборишлари қийин бўлди. ЎФА'га ушбу турнирдаги иштирокимни таъминлагани учун миннатдорчилик билдираман", - деди футболчимиз ЎФА матбуот хизматига.
