O‘zbekiston olimpiya terma jamoasi chap qanot himoyachisi Ibrohimhalil Yo‘ldoshev terma jamoa yig‘iniga qo‘shilganidan so‘ng o‘z fikrlarini bildirib o‘tdi.
"Osiyo Kubogida doim yuqori saviyadagi jamoalar qatnashadi. O‘zbekiston ham doim o‘zini ko‘rsatib kelgan. Har doim birinchi o‘yin qiyin bo‘lgan. Malayziya yaxshi jamoa ekan. To‘pni yaxshi o‘zida ushlab turishini ko‘rsata olishdi. Bu yig‘inga qo‘shilish juda qiyin bo‘ldi. Jamoam meni qo‘yib yuborish niyati yo‘q edi. O‘FAning birinchi so‘rovi rad etilgandi. Keyinroq ular 20 apreldan keyin meni qo‘yib yuborishga rozi bo‘lgandi, biroq O‘FA yana muzokara olib borib, 14 dan keyin safga qo‘shilishimni ta’minladi. U yerda asosiy tarkib futbolchisi bo‘lganim uchun meni qo‘yib yuborishlari qiyin bo‘ldi. O‘FA'ga ushbu turnirdagi ishtirokimni ta’minlagani uchun minnatdorchilik bildiraman", - dedi futbolchimiz O‘FA matbuot xizmatiga.
