"Барселона" раҳбариятининг бир қисми, агар таклиф камида 80 миллион евро бўлса, ёзги трансфер ойнасида ҳимоячи Рональд Араухони сотиш ғоясини қўллаб-қувватламоқда. Шу билан бирга, Каталония клуби президенти Жоан Лапорта бундай қадамнинг тўғрилигига шубҳа қилмоқда. Бу ҳақда Испаниянинг "Sport" нашри хабар бермоқда.

2023/2024 йилги мавсумда Араухо 33 та расмий ўйин ўтказиб, битта гол урган.

Аввалроқ, 25 ёшли Рональд Араухо "Барселона" билан шартномасини узайтириши мумкинлигини айтганди. Уругвайликнинг амалдаги меҳнат шартномаси 2026 йилнинг ўрталаригача амал қилади.