"Барселона" ярим ҳимоячиси Илкай Гюндоган Испания Ла Лигаси 32-туридан ўрин олган "Реал"га қарши ўйин ҳақида гапирди. Учрашув 21 апрель куни бўлиб ўтади.
"Эл-класико"ни интиқлик билан кутмоқдамиз. “ПСЖ”га қарши ўйинда аламли мағлубиятга учрадик, аммо ҳозир бизни Европа футболидаги энг муҳим ўйинлардан бири бўлган катта ўйин кутиб турибди.
“Реал”ни мағлуб этиш учун аввало ўз имкониятларимиздан унумли фойдаланиш керак. Бундан ташқари, уларнинг вазиятларини ҳам камайтиришга ҳаракат қилишимиз керак. Тан оламан, уларнинг ўзига хос фазилати бор – агар уларда биргина имконият бўлса, ҳатто бу хавфли бўлмаса ҳам, улар буни голга айлантира олишади”, — дея Гюндоганнинг сўзларини келтиради COPE.
