"Манчестер Сити" бош мураббийи Пеп Гвардиола ўтган ёзда "шаҳарликлар"дан "Челси"га ўтган ҳужумкор ярим ҳимоячиси Коул Палмер ҳақида гапирди.
“Ажойиб футболчи, биз буни яхши биламиз. Мен унга муносиб ва ҳозирда "Челси"да олаётган ўйин дақиқаларини бермадим. У ақл бовар қилмайдиган салоҳиятга эга. Икки мавсум давомида у клубдан кетишни сўради, мен эса қолишини айтдим. Унинг ўзи кетмоқчи эди. Биз нима қила олардик? - деди Гвардиола.
Эслатиб ўтамиз, жорий мавсумда Палмер барча турнирларда 41 та ўйинда қатнашиб, 25 та гол ва 13 та голли узатмани амалга оширган.
