Душан Влахович А Сериянинг 2 мавсумида тўғридан-тўғри жарима зарбасидан 4 та гол урди.
А Сериянинг 33-туридан ўрин олган "Кальяри" ва "Ювентус" ўртасидаги ўйинда 2:2 ҳисоби қайд этилди.
Учрашувнинг 61-дақиқасида меҳмонларнинг 24 ёшли ҳужумчиси Душан Влаҳович тўғридан-тўғри жарима зарбасини аниқ амалга ошириб, гол урди.
Шу тариқа, сербиялик футболчи А Серияда сўнгги 2 мавсумда жарима зарбаларидан 4 та гол урди. Бу Европанинг топ-5 лигасидаги ушбу даврдаги энг яхши кўрсаткичдир.
Жорий мавсумда Влаҳович А серияда 28 та ўйин ўтказиб, 20 (16+4) та голда қатнашган. У А сериянинг энг яхши тўпурарлари рўйхатида иккинчи ўринда, фақат Лаутаро Мартинес (23+2) ундан олдинда.
