"Ювентус" бош мураббийи Массимилиано Аллегри Италия кубоги ярим финалида "Лацио"га қарши бўлиб ўтадиган жавоб ўйини ҳақида гапирди. "Бянконерилар" Римга кетиш олдидан ўз уйларида 2:0 ҳисобида ғалаба қозонган. Жавоб ўйини сешанба куни бўлиб ўтади. А Сериянинг жума куни бўлиб ўтган ўйинда "Ювентус" "Кальяри" билан ўйинда танаффусга 0:2 ҳисобида чиқиб кетди ва мағлубиятдан осон қутулиб қолмади.
Аллегрининг фикрича, унинг жамоаси бугунги биринчи бўлимдаги ўйинини такрорласа, кубокдан чиқиб кетиш хавфи бор.
“Биз фақат финалга чиқишимиз керак, ҳаммаси шу. Лекин бизни жуда жиддий рақиб “Лацио” кутиб турибди ва агар ярим финалда биринчи бўлимдаги бугунгидек ўйнасак, яъни бирорта ҳам дуелда ғалаба қозона олмасак, унда муаммолар бўлади. Биз бошқача ўйнашга ҳаракат қиламиз", - деди Аллегри.
