Ўзбекистонлик ФИФА рефериси Равшан Эрматов ЖЧ-2014 саралаш 4-босқич 7-туридан ўрин олган Австралия - Уммон учрашувини бошқариш учун 18 март куни Австралияга учиб кетди.

26 март, сешанба куни ЖЧ-2014 саралаш 4-босқич «В» гуруҳи 7-тур учрашувлари доирасида Австралия терма жамоаси ўз майдонида Уммонни қабул қилади. Ушбу ўйинни Равшан Эрматов бошчилигидаги ҳакамлар бригадаси бошқариб боради.

Эрматовга қанотларда ўзбекистонлик Абдуҳамидулло Расулов ва қирғизистонлик Баҳодир Қўчқоров ёрдам берса, қирғизистонлик Дмитрий Машенцев учрашувнинг тўртинчи ҳаками сифатида қайд этилган.

Ушбу учрашув Равшан Эрматов учун ЖЧ-2014 саралаш кампанияси доирасидаги 6-ўйин бўлади. Осиёнинг тўрт карра энг яхши ҳаками 3-саралаш босқичида БАА – Жанубий Корея (0:2), Таиланд – Саудия Арабистони (0:0), Эрон – Қатар (2:2) ва Иордания – Хитой (2:1) учрашувларида, шунингдек, 4-саралаш босқичида Япония – Уммон (3:0) терма жамоалари ўртасидаги ҳакамлик қилган.

ЖЧ-2014 саралаш 4-босқич
«В» гуруҳи, 7-тур учрашуви
26 март, сешанба
АВСТРАЛИЯ – УММОН
Бош ҳакам: Равшан Эрматов (Ўзбекистон).
Ён қанот ҳакамлари: Абдуҳамидулло Расулов (Ўзбекистон), Баҳодир Қўчқоров (Қирғизистон).
Тўртинчи ҳакам: Дмитрий Машенцев (Қирғизистон).
Назоратчи: Пиром Анпрасерт (Таиланд).
Комиссар: Умид Жамолий (Эрон).