Килиан Мбаппе "ПСЖ" президентига берган ваъдасини бузди.
Аввалроқ, 25 ёшли ҳужумчи "ПСЖ"ни эркин агент сифатида тарк этиб, ёзда "Реал"га ўтиши ҳақида бир неча бор хабар берилганди.
Foot Mercato нашри хабарига кўра, ўтган ёзда Мбаппе парижликлар билан шартномасини узайтиришга ваъда берган. Эслатиб ўтамиз, ўтган ёзда "ПСЖ" футболчини маълум муддатга асосий жамоа билан ишлашдан четлатган ва уни сотиш вариантини кўриб чиққанди. Кейинроқ Килиан жамоага қайтганди.
Қайд этилишича, 12 август куни бўлиб ўтган "Лорьян" билан ўйиндан бир кун олдин Мбаппе клуб президенти Носир Ал-Хелайфи билан гаплашиб, унга шартномани узайтиришга ваъда берган. Бу улар ўртасидаги зиддиятни ҳал қилиш имконини берди.
Бу ваъдага қарамай, форвард мавсум охирида "Реал"га ўтишга қарор қилди. Буни билган Ал-Хелайфийнинг жаҳли чиқди.
