"Манчестер Сити" ҳозирданоқ бош мураббий сифатида Пеп Гвардиола ўрнини ким эгаллаши ҳақида ўйламоқда. Бир неча кун олдин матбуотда пайдо бўлган хабарларга кўра, испаниялик 2025 йилнинг ўрталарида, амалдаги шартномаси якунига етгач, ўз лавозимини тарк этиши мумкин.

Diario AS хабарига кўра, агар Гвардиола шартномани узайтиришдан бош тортса, "Манчестер Сити" Хаби Алонсони таклиф қилмоқчи.

"Байер"нинг ҳозирги мураббийига асосий даъвогар "Реал Мадрид" ҳисобланмоқда, миш-мишларга кўра, у ўзининг собиқ ярим ҳимоячисини Карло Анчелоттининг бўлажак вориси сифатида кўрмоқда. Алонсонинг "Байер" билан шартномаси 2026 йилнинг июнигача амал қилади.