"Реал Мадрид" Альфонсо Дэвис ва Ферлан Менди бир жамоада ўйнамаслиги керак деб ҳисобламоқда. "Бавария"нинг 23 ёшли футболчиси қироллик клубининг трансфер мақсадларидан бири ҳисобланади.
Журналист Хосе Феликс Диаснинг фикрича, "Реал Мадрид" агар Менди жамоада қолса, канадалик футболчи билан шартнома имзолаш ноўрин, деб ҳисобламоқда. Шундай қилиб, "Лос Бланкос" келаётган ёзда иккита чап қанот ҳимоячисидан фақат биттасини танлаши керак бўлади.
Ферлан Мендининг "Реал" билан шартномаси 2025 йилнинг ўрталарига қадар амал қилади. Альфонсо Дэвиснинг нархи 60 миллион еврога баҳоланмоқда.
