"Челси"нинг собиқ футболчиси ва мураббийи Фрэнк Лэмпард ярим ҳимоячи Коул Палмер ҳақида фикр билдирди. 21 ёшли футболчи "кўклар" сафида дебют мавсумини ажойиб ўтказмоқда.
“Палмер жуда узоққа бориши мумкин. Буларнинг барчасига бошиданоқ, мана шундай оғир шароитда эришгани ҳайратланарли. У нимага эриша олишини тасаввур қилиш қўрқинчли, чунки у аллақачон ақл бовар қилмайдиган даражада ҳаракат қилмоқда.
"Челси"га келганимда ўзимни қулай ҳис қилишим учун бир йил керак бўлди, аммо Палмер дарҳол ўзини танитишга муваффақ бўлди. Биз унга бунинг учун ҳурмат кўрсатишимиз керак", - деди собиқ ярим ҳимоячи.
