"Лилль" ҳужумчиси Жонатан Дэвид 2023/24 йилги мавсум якунида француз клубини тарк этишга яқин турибди.
Football Italia нашри хабарига кўра, 24 ёшли канадалик футболчи "Наполи" аъзоси бўлишга рози бўлган.
Неаполликлар форвард вакиллари билан унинг шахсий шартномаси шартларини келишиб олишди. Футболчининг келишуви беш йилга мўлжалланган бўлиб, маоши эса мавсумига тахминан 3 миллион еврони ташкил қилади.
Айтганча, Дэвид 2020 йилнинг августидан буён "Лилл"да ўйнаб келмоқда. У клуб сафида жами 177 та ўйин ўтказиб, 81 та гол урган ва 16 та голли узатмани амалга оширган. Transfermarkt портали ҳужумчининг нархини 50 миллион еврога баҳоламоқда.
