Испания терма жамоаси ва Мадриднинг "Реал" клуби собиқ дарвозабони Икер Касильяс "Қироллик клуби"нинг УЕФА Чемпионлар лигаси ярим финалига чиққанига муносабат билдирди.
"Энг қизиғи шундаки, "Реал" дунёнинг энг яхши дарвозабонидан айрилди, аммо барибир Чемпионлар лигасининг ярим финалига чиқди ва Испанияда чемпионликка яқин турибди. Жамоа ҳозир жуда кучли", - деди Касильяс AS нашрига.
Эслатиб ўтамиз, Чемпионлар лигаси чорак финалида "Реал" "Манчестер Сити"ни умумий ҳисобда мағлуб этганди. Ярим финалда мадридликлар Мюнхеннинг “Бавария” жамоаси билан тўқнаш келишади. Ла Лигада Карло Анчелотти шогирдлари ишончли тарзда пешқадамлик қилмоқда ва энг яқин таъқибчисидан 8 очко олдинда.
