Германия чемпионатида Бундеслиганинг 30-тур учрашувлари бўлиб ўтди, "РБ Лейпциг" "Хайденхайм" билан ўйнади ва 2:1 ҳисобида ғалаба қозонишга муваффақ бўлди.
Шу тариқа, “РБ Лейпциг” Германия чемпионатида дебютант жамоаларга қарши мағлубиятсиз сериясини 32 та ўйинга етказди.
Аввалроқ, 2010 йилдан 2018 йилгача "Бавария" худди шу серияни қайд этган.
Аммо “Лейпциг” келаси мавсумда бу рекордни янгилаш имкониятига эга бўлади. Айни пайтда чемпионатнинг навбатдаги турида “РБ Лейпциг” меҳмонда Дортмунднинг “Боруссия” жамоасига қарши баҳс олиб боради.
Бу 27 апрель, келаси шанба куни содир бўлади. Айни пайтда клуб Бундеслига турнир жадвалида тўртинчи ўринни эгаллаб турибди.
