"Барселона" ҳимоячиси Рональд Араухо Илкай Гюндоган билан муносабатлари ҳақида гапирди.
Хабарингиз бор, Гюндоган Чемпионлар лигасидан чиқиб кетгач, "ПСЖ"га қарши жавоб ўйинида қизил карточка олган Араухонни омма олдида қоралаганди.
"Гюндогон билан ҳамма нарса ойдинлашди. Мен у билан гаплашдим ва у кечирим сўради. Ҳаммаси яхши. Бу ҳафта биз учун қайғули бўлди, лекин мен руҳий жиҳатдан кучлиман. Мен қаттиқ меҳнат қиламан, шунинг учун ҳам бу клубга кирганман. Ҳамма биладики, мени фидойилигим учун айблаш мумкин эмас", - деди Араухо BarcaBlaugranes билан суҳбатда.
Эслатиб ўтамиз, якшанба куни "Барселона" сафарда "Реал"га 2:3 ҳисобида имкониятни бой берди.
