"Интер" бош мураббийи Симоне Индзаги Скудеттони қўлга киритганидан сўнг журналистлар саволларига жавоб берди.
"Чиройли оқшом. Мени, айниқса, мухлисларнинг иштиёқи қувонтирди. Уч йил ичида олтита соврин ва Чемпионлар лигаси финали - ҳаммаси шундай бўлишини тасаввур қилиш қийин эди. Биз футболчиларга ишонч билдиришимиз керак.
Айниқса, дербида буни уддалаганимиз эсда қоларли бўлади, аммо охиригача курашган, жиддий руҳий босим остида ўйнаган "Милан"ни ҳурмат қилишимиз керак. Бу кучли рақиб ва шундай бўлиб қолади”, - деди Симоне Индзаги матбуот анжуманида.
