Мюнхеннинг “Бавария” клуби Австрия терма жамоаси бош мураббийини фақат бир шарт билан олиши мумкин. Журналист Флориан Плеттенберг маълумотларига кўра, "қизил машина" Рангникни Австрия терма жамоасидаги мажбуриятларидан озод қилиш учун товон тўлаши керак.

Ральф жамоаси июн ойида Германияда бўлиб ўтадиган Европа чемпионатида иштирок этиши режалаштирилган. Катта эҳтимол билан Рангник ушбу турнирни ўтказиб, шундан сўнг "Бавария"га ўтиши мумкин бўлади.

Мутахассиснинг Австрия терма жамоаси билан амалдаги шартномаси 2026 йилгача мўлжалланган.