Рио Фердинанд Антони ва “Манчестер Юнайтед”ни танқид қилди.
"Манчестер Юнайтед" Англия кубоги ярим финалида "Ковентри" билан асосий ва қўшимча вақтларда дуранг ўйнади (3:3) ва пенальтилар сериясида Чемпионшип жамоасини мағлуб этди (4:2).
Расмус Хёйлунднинг ҳал қилувчи зарбасидан сўнг, "Манчестер Юнайтед" вингери Антони ғалабани нишонлади ва рақиб жамоага ўгирилиб, қўлларини қулоқларига қўйиб, "Ковентри" мухлисларига ишора қилди.
"Манчестер Юнайтед"нинг собиқ ҳимоячиси Рио Фердинанд бразилиялик футболчининг хатти-ҳаракатларини танқид қилиб, твиттерда шундай деб ёзди: "Кеча Антони.... Уят! Бу рақибга нисбатан ҳурматсизлик!".
