Ёзги мавсумда Роберто де Зерби "Брайтон"ни тарк этиб, бошқа клубга ўтиши мумкинлиги ҳақида миш-мишлар бор.
Италиялик мураббийнинг ўзи яқинда юқори амбициялари ва клуб хўжайини билан келажак ҳақида гаплашиш нияти ҳақида айтганди.
Албатта, "Брайтон" де Зерби кетиши мумкин бўлган тақдирда аллақачон режалар тузмоқда. Журналист Саша Таволиерининг хабар беришича, “Денгиз отлари” қисқа рўйхатга бир нечта номзодни киритган.
Ушбу рўйхатда ҳозирда "Бёрнли"ни бошқараётган Венсан Компани ҳам бор. "Брайтон" вакиллари аллақачон Компани бўйича норасмий музокаралар олиб боришганлиги ҳақида маълумотлар бор.
