Педрининг акаси ижтимоий тармоқларда "Барселона" ярим ҳимоячисига қилинган танқидларга қаттиқ жавоб қайтарди.

Фернандо Гонсалес "Барселона"нинг "класико"даги мағлубиятидан сўнг (2:3) эълон қилинган Каталония клуби мухлисларидан бирининг "Твиттер"даги постига муносабат билдирди.

“Педри ҳақида жиддий гаплашишимиз керак. Нол тестостерон ва ёмон феъл-атворга эга бўлган беҳуда истеъдод. 

"Барса" у ва унинг акаси тунда нима қилишини билади. Жисмоний жиҳатдан у 30 дақиқадан кўп ўйнай олмайди ва ўйнаганидан кўра тез-тез жароҳат олади", - дейилади твитда.

"Барса" ярим ҳимоячисининг акаси ўз "сторис"ида постнинг скриншотини бўлишди ва унинг мазмунига изоҳ берди.

"Сиз масхарабоз бўлсангиз керак. Укамнинг спорт карьераси сизга ёқмаслиги мумкин, лекин унинг меҳнати ва садоқати ҳақида шубҳа қилиш - бу нодонлик ва бизни умуман танимасликдир. Сиз ёлғончи ва аҳмоқсиз", – деди Фернандо Гонсалес.