"Эспаньол"дан ижарага олинган "Реал" ҳужумчиси Хоселу Саудия Арабистонига ўтиши мумкин.
"Лос-Бланкос"да 34 ёшли футболчини сотиб олиш имконияти бор, бироқ унинг келажаги борасида бир қарорга келингани йўқ - "Реал Мадрид" ҳали испаниялик форвард Килиан Мбаппе ва Эндрик келганидан кейин фойдали бўладими ёки йўқлигини билмайди. Айни пайтда, журналист Хосе Феликс Диаснинг хабар беришича, Саудия Арабистони чемпионати вакиллари Хоселу билан шартнома имзолашдан манфаатдор. Шунингдек, Карло Анчелотти тажрибали форвардни қадрлаши ва уни сақлаб қолишдан хурсанд бўлиши қайд этилган.
Хоселу ушбу мавсумда 42 та ўйинда 13 та гол урди ва 3 та голли узатмани амалга оширди.
