"Арсенал" вингери Леандро Троссард Англия Премьер-лигасида илк бор бир мавсумда ўнтадан кўпроқ гол урди.
Бельгиялик футболчи кечаги “Челси”га қарши баҳсда тўртинчи дақиқадаёқ дарвозани ишғол қилиб, ҳисобни очди. Бу гол 29 ёшли футболчи учун Премьер-лиганинг жорий мавсумидаги ўнинчи гол бўлди - у илгари Англия олий дивизионида бундай натижа қайд этмаганди. Ўнта голга эришиш учун футболчи 30 та ўйин ўтказиши керак бўлди.
"Арсенал"га ўтишдан олдин Леандро Троссард "Брайтон"да уч ярим мавсум ўтказди. Премьер-лигада қанот ҳужумчиси учун аввалги рекорд 2021/22 йилги мавсумда ўрнатилган - саккизта гол.