Сўнгги йилларда "Фейеноорд"да ўзини яхши кўрсатган Арне Слот 2023/2024 йилги мавсум охирида "Ливерпуль" устозлигида Юрген Клоппнинг ўрнини эгаллаши мумкин.
BBC нашри хабарига кўра, агар "Ливерпуль" ҳақиқатан ҳам Слотни "Фейеноорд"дан ўз сафига қўшиб олмоқчи бўлса, "мерсисайдликлар" нидерландияликлар билан музокара олиб боришларига тўғри келади.
Гап шундаки, Слот шартномасидаги сотиб олиш опцияси 2025 йилнинг ёзида амалга оширилиши мумкин. Кейинги ёзда уни фаоллаштириб бўлмайди.
Чоршанба куни "Ливерпуль" Англия Премьер-лигаси доирасида "Эвертон"га қарши сафарда ўйнайди.
