Франциялик мураббий Кристоф Галтье келаси ёзда Европага қайтиши мумкин.
La Gazzetta dello Sport нашри хабар беришича, 57 ёшли мутахассис "Милан" клуби нишонида турибди. Миш-мишларга кўра, "россонерилар" мавсум охирида Стефано Пиоли билан хайрлашишни режалаштирмоқда. Галтье асосан 2022/2023 йилги мавсумда "ПСЖ"да ишлагани билан танилган. Октябрь ойида тажрибали мутахассис Қатарнинг "Ал-Дуҳаил" клубини қабул қилиб олди.
"Милан" айни дамда турнир жадвалида иккинчи ўринда бормоқда. Душанба куни "россонерилар" дербисида "Интер"га имкониятни бой беришди (1:2), натижада "нерадзуррилар" муддатдан олдин Италия чемпионлигини қўлга киритди.
