Каталониянинг "Барселона" клуби ҳимоячиси Серхи Роберто кейинги мавсумда ҳам жамоада қолиши мумкин. Бу ҳақда ижтимоий тармоқларда инсайдер Фабрицио Романо хабар берди.

Манба берган хабарга кўра, жамоа бош мураббийи Хави Эрнандес тажрибали футболчини етакчилик хислатлари ва кийиниш хонасидаги муҳитга таъсири туфайли ўзида сақлаб қолмоқчи. Робертонинг "Барселона" билан амалдаги шартномаси келаси ёзда якунига етади.

Серхи Каталония жамоасида 2013 йилнинг ёзидан бери ўйнаб келмоқда. Унинг трансфер нархи 3 миллион еврога баҳоланмоқда. Испания чемпионатининг жорий мавсумида 32 ёшли ҳимоячи тўққизта ўйинда майдонга тушиб, учта гол урди ва битта голли узатмани амалга оширди.